Харвардын Бизнесийн сургуулийн Стратеги, өрсөлдөх чадварын хүрээлэнгийн захирал, профессор Майкл Портер нь 2002 онд “Өрсөлдөх чадварын микро эдийн засаг” гэсэн академик сүлжээг үүсгэн санаачилсан.

Кластер бол хувийн ба засгийн газрын хоорондох харилцааг холбож өгөх систем. Тухайлбал, жимсний салбарт тариалагчид, үйлдвэрлэгчид, тэдгээрийн үйл ажиллагааг дэмжих бусад аж ахуйн нэгжүүд, тодруулбал, нөөц түүхий эд нийлүүлэгчид, тээврийн компаниуд, жижиглэнгийн борлуулагчид, боловсролын байгууллага, судалгааны институт, олон нийтийн байгууллага, зар сурталчилгааны агентлагууд бүгд хоорондоо холбоотойгоор үйл ажиллагаа явуулна.

Кластер хэмээх нэр томъёог олон салбар шинжлэх ухаан ашигладаг. Тухайлбал, архитектур, статистик, эдийн засаг, бизнес, анагаах ухаан гэх мэт.

Компаниуд бол кластерийн гол оролцогчид, тэд инновацилаг, шинэлэг байдлаараа ялгарч, нийгэмд үнэт зүйлс бүтээх хүч юм.